მე ვარ ქალი, რომელის ცხოვრებაშიც განათლებამ უდიდესი როლი შეასრულა, სწორედ განათლებული ქალი გავხდი, რეალიზებული და დამოუკიდებელი. წარჩინებით დავამთავრე ქ. ტყიბულის #4 საშუალო სკოლა. 16 წლამდე ჯერ კიდევ ბავშვმა ვიცოდირას ვაკეთებდი, მაგრამ დადგა დრო, როდესაც ბავშვობა უნდა დამეტოვებინა და ცხოვრებასთან ბრძოლა მესწავლა, მითუმეტეს მაშინ, როდესაც ეგრეთწოდებული "ინვალიდი" საზოგადოების მიერ დაბლოკილი იყო, როგორც უმწეო და საზოგადოებისთვის გამოუყენებელი ... მიზნად დავისახე ეს ცრურწმენა და სტერეოტიპული აზროვნება დამემარცხებინა ჯერ საკუთარ თავში და შემდეგ საზოგადოებაში.
